د امریکا نیویدا ایالت څخه راپورونه وايي چې نن د لاس ویګاس په ښار کې د ټرمپ هوټل مخې ته د ټېسلا موټر په چاودنه کې یو تن وژل شوی او ۷ نور ټپیان شوي دي. د لاس ویګاس پولیسو رسنیو ته د پېښې پخلی کړی او ویلي یې دي چې د چاودنې له امله د موټر ډرایور وژل شوی. او اووه تنه نور، چې په هوټل کې د انتظار خونه یا لابي کې شتون درلود، ټپیان شوي دي. یوې سرچینې رسنیو ته ویلي چې پولیس یاده پېښه د احتمالي ترهګریز برید په توګه څېړي.د یادولوه ده چې نن د امریکا په لوېزیانا ایالت کې هم یوه بریدګر موټر چلوونکي لخوا برید کې لس کسان وژل شوي او ۳۰ نور ټپیان شوي دي، چې امنیتي چارواکي یاده پېښه هم د ترهګرۍ احتمالي عمل په توګه څېړي
امریکا: د ټرمپ هوټل مخې ته د ټېسلا موټر چاودنه کې ۸ کسانو ته مرګ ژوبله اوښتي
