فبروري ۲۳، ۲۰۲۵
روم، ایټالیا – د امریکن ایرلاینز AA292، الوتکه چې له نیویارک څخه نوي ډیلي ته روانه وه، نن سهار د بم د ګواښ امله نیمه لار کې د نوي ډیلي پر ځای روم فیومیسینو نړیوال هوايي ډګر ته ګرځول شوې ده.
دا بوینګ 777-300ER الوتکه، چې د نامعلوم شمېر مسافرو سره روانه وه، د جورجیا هوایي حریم ته دننه کیدو سره یې مسیر بدل شو او تمه کیږي چې د ختیځې امریکا پر وخت ماسپښین شاوخوا په روم کې کښیني.
د ایټالیا امنیتي چارواکو د بیړني حالت ټیمونه چمتو کړي، ترڅو د الوتکې له رسېدو سره سم پلټنې پیل کړي. امریکن ایرلاینز ویلي چې د مسافرو او عملې خوندیتوب یې تر ټولو مهم لومړیتوب دی، خو د ګواښ په اړه لا هم مشخص جزئیات نه دي ورکړل شوي.
نور جزیات وروسته
