د اوکراین پارلمان غړي الکسي ګونچارینکو اعلان وکړ چې د آلمان، فرانسې، بریتانیا او پولېنډ مشران به د مې په ۱۰مه نېټه پلازمېنه کیف ته سفر وکړي. دا سفر په داسې حال کې کېږي چې روسیې په مسکو کې د خپل پروپاګند لپاره پراخې غونډې او تبلیغاتي فعالیتونه پيل کړي دي.
د ګونچارینکو په وینا دا سفر به یو پیاوړی دیپلوماتیک پیغام ولري چې لوېدیځ لا هم د اوکراین تر شا ولاړ دی او د روسیې پر ضد یې ملاتړ ته ژمن دی. تمه کېږي چې دغه مشران به له ولسمشر ولوديمیر زلنسکي سره پر امنیتي، نظامي او سیاسي همکاریو خبرې وکړي، او د لا زیات ملاتړ ژمنه به وکړي.
دغه سفر د اوکراین لپاره یو مهم سیاسي فرصت ګڼل کېږي، چې له نړیوالو متحدینو سره خپله اړیکه نوره هم پیاوړې کړي.
