د طالبانو د حکومت لاندې د افغانستان د بهرنیو چارو وزارت له یوې تازه خپرې کړې بیانیې سره سم، د افغانستان سرپرست وزیر خارجه مولوي امیر خان متقي د سوریې د انتقالي حکومت د بهرنیو چارو وزیر اسعد حسن الشیباني سره ټیلفوني خبرې کړي دي
په دې بیانیه کې راغلي چې متقي الشیباني ته د اسد رژیم د لرې کولو او د بهرنیو چارو وزیر په توګه د هغه د ټاکل کیدو مبارکي ورکړې ده هغه د سوریې د نوي حکومت د مصالحه کوونکي دریځ، عفوي تګلارو او د ښه حکومتدارۍ لپاره د هڅو ستاینه کړې او هیله یې څرګنده کړې چې د افغانستان او سوریې ترمنځ به پیاوړې ډیپلوماټیکې اړیکې رامنځته شي
د سوریې د بهرنیو چارو وزیر هم، د بیانیې له مخې، هیله څرګنده کړې چې د دواړو هیوادونو ترمنځ دوه اړخیزې اړیکې پراختیا ومومي
