د خیبر پښتونخوا اړوند په شمالي وزیرستان کې د پاکستان پوځيانو په کاروان ځانمرګی برید شوی

د شمالي وزیرستان اړوند میرانشا پولیسو رسنیو ته منلي چې د میرانشاه رزمک سیمه کې د پاکستان پوځ پر کاروان موټرسایکل سپورځانمرګی برید شوی، چې له امله یې څلور پوځیان او یو پولس ژوبل شویدي. چې د ځینو یې حالت د اندېښنې وړ دی. دا برید داسېم هال کیږي چې د تیرې ورځې راهیسې بنو کې هم د ترهګری ضد په مرکز وسلوالو ننوتلي چې تر دې دمه وسلوال د یاد مرکز دننه ټول کسان یرغمل ساتلي او افغانستان ته د هوایي تګ غوښتنه کوي. همدا شان تېره ورځ لکي مروت کې هم د پولیس په یو مرکز باندې وسلوال برید کې څلور پاکستاني پولیس ووژل شول او یو شمیر نور ټپیان شوي وو. د یادولو ده چې د تېر اګست میاشتې نیمایي څخه تر دې دمه دې خیبر پښتونخوا ډېر شمیر ښارونو ( پېښور ، مردان ، باجوړ، مهمند، دیره اسماعیل خان، ټانک ، کوهاټ ، بنو، میرانشاه ، نوشیر ،  لکيمروت ) کې ۱۱۸ امنیتي پېښې رامنځته شوي چې له امله یې د پاکستان ۳۸ امنیتي ځواکونه ( ۲۶ پولیس ، ۱۲ نور امنیتي ځواکونه) وژل شوي، او لسګونه امنیتي کسان او ملکیان ټپیان شویدي.