واشنګټن — د امریکا عدلیې وزارت خبر ورکړی چې د طالبانو یو پخواني قوماندان حاجي نجیب الله چې په ۲۰۰۸ او ۲۰۰۹ کلونو کې یې په افغانستان او پاکستان کې یو امریکايي خبریال او دوه افغان اتباع یرغمل کړي وو. او د جمعې په ورځ یې خپل جرم منلی، د عمر بند سزا باندې محکوم شوی.
د معلوماتو له مخې، ۴۹ کلن حاجي نجیب الله، چې د افغانستان تبعه دی، په ۲۰۲۰ کال کې د رویټرز پخواني خبریال ډیوډ روهډ د تښتولو په تور تورن شوی و. نوموړي نه یوازې دا جرم منلی، بلکې د ۲۰۰۷ او ۲۰۰۹ کلونو ترمنځ په افغانستان کې د امریکايي سرتېرو د وژنو په یوه بله قضیه کې هم خپل جرم منلی ده.
د امریکا د عدلیې وزارت د نجیب الله د مجرمیت د اسنادو په ډله کې د یوه فرانسوي خبریال سره د هغه مرکه هم وړاندې کړي. چې نجیب الله پکې خپله اعتراف کړی چې د فرانسوي او امریکايي ځواکونو پر ضد یې بریدونه ترسره کړي دي.
د ایف بي آی د نیویارک څانګې مرستیال رئیس کریسټوفر جي رایا ویلي:
“د تورن کس د نن ورځې اعتراف د ایف بي آی نیویارک د ترهګرۍ ضد ګډې ډلې (JTTF) د کلک هوډ څرګندونه کوي چې د هر ډول ترهګریزو فعالیتونو مخنیوی وکړي او هغه کسان محاکمه کړي چې زموږ هېواد ته ګواښ پېښوي.”
د نیویارک سویل ولسوالۍ د متحده ایالاتو وکیل، جې کلېټن، هم ویلي:
“زموږ اداره به بې له ځنډه او پرته له جغرافیایي محدودیتونو، هر هغه څوک عدلي تعقیب کړي چې د امریکایانو ته د ترهګرۍ له لارې زیان رسوي.”
د یادولو ده چې خبري سرچینو خبر ورکړی چې نجیب الله څو کاله د مخه اوکراین کې د نیول کیدو وروسته امریکا ته انتقال کړل شوی وه.
