مایک والټز، چې د منتخب ولسمشر ډونالډ ټرمپ په راتلونکي حکومت کې د امریکا د ملي امنیت سلاکار دی، په خپل وروستي بیان کې جدي خبرداری ورکړ چې هر هغه څوک چې امریکایان په غیرقانوني ډول بندیان کړي یا وتښتوي، به له سختو پایلو سره مخ شي
والټز، چې په افغانستان کې له طالبانو سره په مستقیم جنګ کې تجربه لري، څرګنده کړه: “هر هېواد یا ترهګر ډله چې په غیرقانوني ډول یو امریکایي وګړی بندیان کړي یا وتښتوي، به له سختو پایلو سره مخ شي او ممکن پرې ډزې وشي”
د یادولو وړ ده چې د راتلونکي ملي امنیت سلاکار دغه څرګندونې په داسې وخت کې شوي چې څو امریکایان، په ځانګړې توګه په افغانستان کې، د منځني ختیځ د ځینو هېوادونو د ترهګرو ډلو لخوا تښتول شوي او بندیان شوي دي
