وحید عمر : دواک لېږد په اړه دې ولسمشر خبرې ناسمې تعبیر شوي

د ولسمشر اشرف غني ستر سلاکار او د ستراتیژیکو اړیکو رییس، وحید عمر وايي، یو شمېر کورنیو او بهرنیو رسنیو د ولسمشر خبرې ناسمې تعبیر کړي ، او داسې يې انګېرلي چې ګواکې ولسمشر اشرف غني به خپل واک موقتې انتقالي ادارې ته سپاري،دا تعبیر سم ندی.  ولسمشر به هېڅکله هم واک موقتې انتقالي ادارې ته ونه سپاري . د وحید عمر په وینا، ولسمشر خپلو خبرو کې په واضح ډول ویلي چې کله سوله یقیني شي ، نو دای به واک د وخت د مخه ټاکنو د لارې بل کس ته وسپاري